Batys Qazaqstan oblysynda jeldiń kúsheietini jóninde eskertý jariialandy, dep habarlaidy QazAqparat.
«Qazgidromet» RMK BQO filialynyń málimetine qaraǵanda, 9 tamyz kúni kei jerlerde ońtústik-batystan soǵatyn jeldiń jyldamdyǵy sekýndyna 15-20 metrge jetedi.
Oral qalasynda da osyndai aýa raiy oryn almaq.
BQO TJ departamenti osyǵan bailanysty turǵyndar arasynda tótenshe jaǵdailardy boldyrmaý maqsatynda tiisti sharalardyń alynyp jatqanyn jetkizdi.
Eske sala keteiik, budan buryn óńirde kúshti jel Oral qalasy men oblystyń birqatar aýdandarynda ǵimarattardyń shatyryn julyp áketkenin jazǵan bolatynbyz.
5 tamyz kúngi qatty jel saldarynan Oralda 4, Báiterek aýdanynda 1, Qaztalovta 5, Jánibekte 4, Tasqalada 3 ǵimarattyń shatyry ushyp tústi.
Barlyq nysandarǵa keltirilgen materialdyq shyǵyndy anyqtaý maqsatynda arnaiy komissiialar jumys jasaýda.
Bórli aýdanynda balkonnyń temir jabyny qulap, úi janynda turǵan 4 jeńil kólikke zaqym keldi.
Aǵash pen shifer keseginiń qulaýyna bailanysty Oralda 5 adam jaraqat aldy. Sonyń ishinde 8 jasar qyz áli aýrýhanada emdelýde.
Oral qalasynda 60 terek qulap, sonyń altaýy avtokólikke tústi.
Oralda úzilgen elektr jelilerin qalpyna keltirý jumystary jalǵasýda. Búgin túske deiin áli de 400-dei úidiń elektr jaryǵynsyz otyrǵany málim etildi.
Barlyq apattyq jáne qutqarý qyzmetteri kúsheitilgen rejimde jumys jasaýda.
