Batys Qazaqstan oblysynda ustalǵan radikaldar internettegi DAISh (Islam memleketi) halyqaralyq terroristik uiymynyń aqparattaryn negizge alyp otyrǵan. Bul týraly «QazAqparat» agenttiginiń resmi saýalyna bergen jaýabynda QR Ulttyq qaýipsizdik komitetiniń baspasóz qyzmeti habarlady.
«Batys Qazaqstan oblysynda ustalǵan radikaldar ózderiniń qylmystyq piǵyldarynda internettegi DAISh (Qazaqstanda tyiym salynǵan) halyqaralyq terroristik uiymynyń aqparattaryn negizge alyp otyrǵan. Lańkestik qyzmetti atqarý úshin shetelden qarjy jiberilgendigi jáne ózge de kózderden qarajat bolǵany týraly aqparat anyqtalǵan joq», - delingen komitettiń bergen jaýabynda.
Sonymen qatar, habarlanǵanyndai, olarda dini jáne rýhani kóshbasshy bolmaǵan. «Ulttyq qaýipsizdik organdary tamyz aiynda BQO-da ustalǵan radikaldar halyqaralyq lańkestik uiymdarmen bailanysy týraly aqparatqa ielik etpeidi. Lańkestik úshin qajetti qarýdy olar oq-dári saqtaý oryndaryna shabýyl jasaý arqyly alýdy josparlaǵan», - dep atap ótti vedomstvodan.
Aita keteiik, bunyń aldynda, Ulttyq qaýipsizdik komiteti 12-30 tamyz aralyǵynda Aqtóbe jáne Batys Qazaqstan oblystary aýmaǵynda úsh radikaldy toptyń is-áreketterine tosqaýyl qoiǵanyn habarlady.
Batys Qazaqstan oblysynyń 10 turǵyny jáne Aqtóbe oblysynyń 11 turǵyny qamaýǵa alyndy.
