Batys Qazaqstan oblysynda sońǵy tórt kúnde 401 adamnan koronavirýs anyqtaldy, dep habarlaidy "Ult aqparat".
BQO sanitarlyq-epidemiologiialyq baqylaý departamenti málim etkenindei, sonyń 304-inde aýrý belgileri bolsa, 97-si –simptomy joqtar.
Sonyń ishinde 225-i JRVI belgilerimen dárigerge qaralǵan, 133-i buryn indet juqtyrǵandarmen qarym-qatynasta bolǵan. 40-y profilaktikalyq maqsatta, úsheýi statsionarǵa jatqyzar aldynda tekserilgen.
Departament málimetine qaraǵanda, aýyrǵandardyń teń jartysynan astamy, iaǵni 211-i Oral qalasynyń úlesine tiedi. Sondai-aq tórt táýlikte Bórli aýdanynda 70, Báiterekte 54, Tasqalada 15, Terektide 12 adamnyń koronavirýs juqtyrǵany belgili boldy.
Indet bastalǵaly oblysta barlyǵy 20768 adam tirkelse, sonyń 16187-si jazylyp shyqty. 303 naýqas ómirden ozdy.
