Batys Qazaqstan oblysynda tórt elikti óltirgen turǵyn ustaldy, dep habarlaidy "Ult aqparat".
Oqiǵa Báiterek aýdany Kirsanov qoryǵynda boldy.
Ianvartsev janýarlar dúniesi jáne orman qorǵaý jónindegi memlekettik kommýnaldyq mekemesiniń direktory Talǵat Iliiasovtyń aitýynsha, ózderine bekitilgen aýmaqty aralaý kezinde qoryqshylar tuzaq pen eki eliktiń ushasyn taýyp, aiaqkiim izin baiqaǵan.
Sol boida bul oqiǵa jóninde politsiia men orman sharýashylyǵy jáne janýarlar dúniesi aýmaqtyq inspektsiiasyna habarlandy.
Qylmystyń izi sýymai Krasnoarmeiskoe aýylynyń 1986 jylǵy turǵyny ustaldy. Onyń mekenjaiynan bólshektelgen taǵy eki eliktiń ushasy, zańsyz aýlaýǵa arnalǵan quraldar tabyldy.
Qazirgi kezde QR QK 337-babyna (zańsyz ańshylyq) sáikes sotqa deiingi tergeý amaldary júrgizilýde.
Eske sala keteiik, budan buryn Oralda aýyr qylmys jasap, qashyp júrgen ózbekstandyq azamattyń ustalǵanyn jazǵan bolatynbyz.
