Batys Qazaqstan oblysynda sońǵy tórt kúnde 231 adamnan koronavirýs tabyldy, dep habarlaidy "Ult aqparat".
BQO sanitarlyq-epidemiologiialyq baqylaý departamenti málim etkenindei, sonyń 122-sinen aýrý belgileri baiqalsa, 109-ynda simptomy bolǵan joq.
Bulardyń 61-i buryn aýyrǵandarmen qarym-qatynasta bolǵan. 111-i JRVI belgilerimen dárigerge tekserilgende, 36-sy profilaktikalyq maqsatta emhanaǵa qaralǵanda, 23-i statsionarǵa jatqyzar kezde anyqtalǵan.
Syrqattanǵandardyń 155-i, iaǵni basym bóligi Oral qalasynyń úlesine tiedi. Sondai-aq sońǵy tórt kúnde Bórli aýdanynda 24, Báiterekte 22 adamnyń aýyrǵany belgili boldy.
Óńirde osy kezge deiin 13827 adam KVI juqtyrsa, sonyń 11425-i jazylyp shyqty. Kóz jumǵandar sany 216-ǵa jetti.
Oblysta epidemiologiialyq ahýal áli de turaqsyz bolyp otyr. Osyǵan bailanysty epidemiolog mamandar sanitarlyq talaptardy, maska rejimin saqtaý qajettigin eske salady.
