باتىس قازاقستان وبلىسىندا سوڭعى تٶرت كٷندە 231 ادامنان كوروناۆيرۋس تابىلدى, دەپ حابارلايدى "ۇلت اقپارات".
بقو سانيتارلىق-ەپيدەميولوگييالىق باقىلاۋ دەپارتامەنتٸ مەلٸم ەتكەنٸندەي, سونىڭ 122-سٸنەن اۋرۋ بەلگٸلەرٸ بايقالسا, 109-ىندا سيمپتومى بولعان جوق.
بۇلاردىڭ 61-ٸ بۇرىن اۋىرعاندارمەن قارىم-قاتىناستا بولعان. 111-ٸ جرۆي بەلگٸلەرٸمەن دەرٸگەرگە تەكسەرٸلگەندە, 36-سى پروفيلاكتيكالىق ماقساتتا ەمحاناعا قارالعاندا, 23-ٸ ستاتسيونارعا جاتقىزار كەزدە انىقتالعان.
سىرقاتتانعانداردىڭ 155-ٸ, ياعني باسىم بٶلٸگٸ ورال قالاسىنىڭ ٷلەسٸنە تيەدٸ. سونداي-اق سوڭعى تٶرت كٷندە بٶرلٸ اۋدانىندا 24, بەيتەرەكتە 22 ادامنىڭ اۋىرعانى بەلگٸلٸ بولدى.
ٶڭٸردە وسى كەزگە دەيٸن 13827 ادام كۆي جۇقتىرسا, سونىڭ 11425-ٸ جازىلىپ شىقتى. كٶز جۇمعاندار سانى 216-عا جەتتٸ.
وبلىستا ەپيدەميولوگييالىق احۋال ەلٸ دە تۇراقسىز بولىپ وتىر. وسىعان بايلانىستى ەپيدەميولوگ ماماندار سانيتارلىق تالاپتاردى, ماسكا رەجيمٸن ساقتاۋ قاجەتتٸگٸن ەسكە سالادى.
