Batys Qazaqstan oblysynda otandyq óndirýshi aiyna 1,2 mln dana maska shyǵarmaqshy, dep habarlaidy "Ult aqparat".
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti málim etkenindei, «KAZMEDKOM» JShS jeke qorǵanys quraldaryn, sonyń ishinde birrettik meditsinalyq maska óndirýdi qolǵa almaq.
Qazirgi tańda otandyq óndirýshi «Dárilik zattarǵa saraptama júrgizý ulttyq ortalyǵy» RMK-ǵa jeke qorǵanys quraldary QR memlekettik tizilimine tirkelý úshin ótinim berip, birinshi kezeńinen ótti.
Memlekettik tirkeýden ótip, jeke qorǵanys quraldarynyń qaýipsizdigi men sapasyn baǵalaý qorytyndysyn alǵannan keiin atalǵan seriktestik iske kirispekshi. Sóitip óńir turǵyndaryn jeke qorǵanys quraldarymen qamtamasyz ete alady.
Departamenttiń málimdeýinshe, oblysta dári-dármek jetkilikti.
Kúni búgin «KFK «Medservis pliýs», «Talap», «Amanat» jáne «Amity International» JShS kóterme saýda qoimalarynda eki aiǵa jetetin dári-dármek qory bar.
Oblys ákimdigi turaqtandyrý qoryn quryp, 4 aiǵa 92 mln teńgege dári-dármek qorynyń rezervi jasaqtaldy. «Aqjaiyq» ÁKK« UK» AQ men «Ińkár» JShS iri distribiýterlik kompaniiasy arasynda 25 dári-dármek túrine kelisim jasaldy. Aqtóbedegi «Ińkár» JShS dárihana qoimasynan 91 million 15 myń teńgeniń dári-dármekteri keldi.
Sondai-aq BQO ákimdigi «SQ-Farmatsiia» JShS-na 8 dári-dármek ataýy boiynsha 16 mln teńgege ótinim berdi.
«Aqjaiyq» ÁKK« UK» AQ-da 1 mln 820 myń dana birrettik maska rezervi bar.
