Foto: Moi Gorod
Batys Qazaqstan oblysynda órtten qashyp, tórtinshi qabattan sekirgen balalardyń jaǵdaiy belgili boldy, dep habarlaidy «Ult aqparat» «Moi gorod» portalyna silteme jasap.
Órt 22 qarasha kúni Aqsai qalasynda boldy. Saldarynan áiel men eki bala zardap shekti. Batys Qazaqstan oblystyq TJD dereginshe, tórtinshi qabattaǵy páterde 60 sharshy metr aýmaqta jihaz ben jeke zattar órtke oranǵan.
Olystyq densaýlyq saqtaý basqarmasy jedel járdem brigadasy zardap shekken úsh adamdy Bórili aýdandyq aýrýhanasyna jetkizgenin habarlady. Onyń ishinde 4 jáne 8 jastaǵy eki bala, 43 jastaǵy áiel bar.
22 qarasha kúni eki bala sanaviatsiia arqyly oblystyq kópsalaly aýrýhanaǵa jetkizilgen.
"Balalar travmatologiia bólimshesinde jatyr. Olardyń jaǵdaiy turaqty, ortasha aýyrlyq dárejesi dep baǵalanyp otyr. Bir bala bas jaraqatyn, ekinshisi keýde tusynyń jaraqatyn alǵan", - delingen habarlamada.
Órtten zardap shekken áiel denesiniń 45-50% kúiik shalǵany belgili boldy.
Aita ketý kerek, osyǵan deiin Batys Qazaqstan oblysynda órtten qashqan balalar tórtinshi qabattan sekirip ketkenin jazǵan bolatynbyz.
