Batys Qazaqstan oblysynda osy kezge deiin 12412 adam koronavirýs juqtyrdy, dep habarlaidy "Ult aqparat".
BQO densaýlyq saqtaý basqarmasy basshysynyń mindetin atqarýshy Arman Qalibekovtiń óńirlik kommýnikatsiialar qyzmeti alańynda málim etkenindei, sonyń ishinde 6714 adamda aýrý belgileri bolsa, 5698-i – simptomy joqtar.
Kúni búginge deiin indet juqtyrǵandardyń 9970-i nemese 80,3 paiyzy jazylyp shyqsa, sonyń 4368-i statsionarlyq, 5602-si ambýlatorlyq em aldy. 199 adam kóz jumdy.
Arman Talǵatulynyń sózine qaraǵanda, qazirgi tańda 195 tósektik 4 karantindik statsionarda 19 adam emdelýde. 591 tósektik 7 juqpaly aýrýlar statsionarynda 312 adam em alýda.
Sondai-aq 18 naýqas jansaqtaý bóliminde jatyr. Bulardyń jeteýi – 25-60, taǵy jeteýi – 60-80 jas aralyǵyndaǵylar, tórteýi – seksennen asqandar. Jansaqtaý bólimindegi 13 naýqastyń sozylmaly derti bolsa, sonyń 10-y júrek-qan tamyrlary aýrýyna shaldyqqan.
«Kúni búgin invazivti emes jasandy tynys alý apparatyna 4, ottegi kontsentratoryna 11, ortalyqtandyrylǵan ottegi kózine 98 naýqas qosylǵan. Oblysta qosymsha 1986 tósek- oryn rezervte tursa, sonyń 1221-i infektsiialyq, 765-i karantindik statsionarlarda. Ár emhanada COVID-19 jáne pnevmoniiaǵa shaldyqqan, sozylmaly aýrýlary bar patsientterdi, sondai-aq kórsetkishter boiynsha júkti áielder men balalardy úide baqylaý úshin 124 mobildi brigada jumys jasaýda. Mobildi brigada táýligine orta eseppen 350 shaqyrýǵa barsa, sonyń ishinde 65-i COVID-19 boiynsha», dedi A.Qalibekov.
