Foto: QR Sybailas jemqorlyqqa qarsy is-qimyl agenttiginiń BQO boiynsha departamenti
Batys Qazaqstan oblysynda mektep direktory eger ata-analar elektrondy túrde toltyrylǵan attestat alǵysy kelgen jaǵdaida olardan 1000 teńge aqsha jinaý týraly nusqaý bergen, - dep habarlaidy "Ult aqparat" sybailas jemqorlyqqa qarsy agenttiktiń Batys Qazaqstan oblysy boiynsha departamentine silteme jasap.
Vedomstvo málimetinshe, BQO boiynsha Sybailas jemqorlyqqa qarsy qyzmetke direktordyń baspa qurylǵylarynyń kómegimen mektepti bitirgeni týraly attestattardy toltyrý úshin ata-anasynan aqsha jinaý faktisi boiynsha bilim berý uiymy túlekteriniń ata-analary júgingen.
Osy aqparattyń durystyǵyn tekserý úshin 20 maýsymda «ANTIKOR Ortalygy» servistik ortalyǵynda quzyretti organdar ókilderi kezdesý ótkizgen.
Onyń qorytyndysy boiynsha bilim berý uiymy - Tapsyrys berýshi men "JShS-si" atynan ónim berýshi arasynda 19 mamyrda mektepti bitirgeni týraly attestattardy toltyrý boiynsha qyzmetterdi memlekettik satyp alý týraly shart jasalǵany anyqtalǵan.
"Memlekettik satyp alýdy ótkizý barysynda Tapsyrys berýshi tehnikalyq erekshelikte "Bilim týraly memlekettik úlgidegi qujattardy toltyrýǵa qoiylatyn talaptardy bekitý týraly" QR Bilim jáne ǵylym ministrliginiń 2007 jylǵy 21 qarashadaǵy № 565 buiryǵynyń talaptaryn saqtamaǵan, iaǵni baspa qurylǵylarynyń kómegimen attestattardy toltyrý kórsetilmegen.
Osyǵan bailanysty, mektep direktory eger ata-analar elektrondy túrde toltyrylǵan attestat alǵysy kelgen jaǵdaida, olardan 1000 teńge aqsha jinaý týraly nusqaý bergen.
BQO boiynsha Sybailas jemqorlyqqa qarsy qyzmettiń aralasýynan keiin, túlekterdiń ata-analarynan jinalǵan aqshalai qarajat qaitaryldy, al kináli tulǵalar tártiptik jaýapkershilikke tartyldy" - delingen habarlamada.
