Batys Qazaqstan oblysynda qosymsha provizorlyq jáne juqpaly aýrýlar aýrýhanasy ashylady, – dep habarlaidy "Ult aqparat".
Oblys ákimi Ǵali Esqalievtiń aitýynsha, jergilikti kásipkerlerdiń qoldaýymen kópbeiindi qalalyq aýrýhanada qosymsha 140 oryndyq infektsiialyq aýrýhana ashylatyn bolady. Osyǵan deiin karantindik aýrýhana retinde paidalanýǵa josparlanǵan oblystyq aýrýhananyń II korpýsynda 130 oryndyq provizorlyq aýrýhana iske qosylady. Oǵan qosa burynǵy №2 perzenthana bazasynda qosymsha aýrýhana jáne «QPO b.v.» kompaniiasynyń qarajaty esebinen juqpaly aýrýlar aýrýhanasyn ashý máselesi qarastyrylýda.
Aýdandardaǵy juqpaly aýrýlar aýrýhanalarynda oryndardy kóbeitý jumystary bastaldy. Búgingi tańda oblys boiynsha koronavirýstyq infektsiianyń aýrý belgileri bar 1547 syrqat tirkelgen. Oǵan qosa klinikalyq belgileri joq 1338 tasymaldaýshy bar. 66 naýqastyń jaǵdaiy aýyr. Aýrýǵa shaldyqqan 21 sábidiń jaǵdaiy ortasha deńgeide. Jasandy ókpe jeldetkishine 13 adam qosylǵan. Koronavirýs aýrýynan osy kezge deiin 10 adam qaitys boldy.
Turǵyndardyń ózin-ózi emdemei, aýrý belgileri paida bolǵan jaǵdaida emhanalarǵa habarlasyp, emdeý týraly usynystar alǵany mańyzdy. Búginde meditsinalyq kadrlar men ottegi kontsentratorynyń jetispeýshiligi úlken másele bolyp otyr. Osyǵan orai óńir basshysy meditsina ardagerlerimen, oblystyń densaýlyq saqtaý jáne emdeý mekemeleriniń basshylarymen kezdesip, saladaǵy túitkildi máselelerdi talqylady. Aǵymdaǵy jáne orta merzimdi máselelerdi sheshýge atsalysatyn densaýlyq saqtaý basqarmasy janyndaǵy alqa quramy jańartyldy. Tájiribeli meditsina qyzmetkerleri onlain keńester júrgizetin bolady. Naýqastardy úiine baryp josparly emdeý úshin emhanalarǵa 12 avtomobil bólinedi.
Dárigerlerge júktemeni azaitý úshin Batys Qazaqstan joǵary meditsinalyq kolledjindegi feldsherler men medbikelerdi jedeldetip oqytý qolǵa alyndy. Sondai-aq elimizdiń basqa qalalaryndaǵy ýniversitet túlekteriniń kelýi kútilýde. On kún ishinde Oraldaǵy kásiporyndardyń birinde Bobrovtyń modifikatsiialanǵan tynys alý apparattaryn qurastyrýdy uiymdastyrý josparlanyp otyr. Oblys ákimi meditsina ardagerleri men jekemenshik meditsinalyq mekeme basshylaryn qaýip-qaterge qarsy birlesip kúresýge shaqyrdy.
«Qazir biz úshin kez kelgen kómek mańyzdy. Bizge mamandar, ǵimarattar, demeýshilik qajet. Másele ortaq jáne ony birge sheshý kerek», - dedi Ǵ.Esqaliev.
Taǵy bir aitatyn jait, dári-dármekter tapshylyǵyn azaitý úshin oblysqa jańa dári-dármek partiialary jetkizilýde. «Talap» AQ dárihanalaryna 300 myń paratsetamol, 45 myń paket atsetilsalitsil qyshqyly, «Stofarm» JShS dárihanalaryna 2000 tseftriakson, 1000 dana tsef 3, 150 dana №50 groprinosin alyndy. 4 shilde kúni «Medservis Pliýs» JShS-ne 75 300 dana antibiotikter jetkiziledi. 2020 jyldyń 10 shildesine deiin oblysqa paratsetamol, atsetilsalitsil qyshqyly, analgin, antibiotikterdiń qosymsha partiialary jetkiziletin bolady.
Sondai-aq, Qazaqstannyń Reseidegi elshiligi arqyly reseilik óndirýshilermen antipiretikalyq, qabynýǵa qarsy preparattar men antibiotikterdi jetkizý boiynsha kelissózder júrgizilýde. Belarýs Respýblikasynyń Borisov zaýytymen kelisimder bar. Halyqty dári-dármekpen qamtamasyz etý úshin negizgi dárihanalardyń ielerimen dári-dármekterdi (antivirýstyq, antipiretikalyq jáne antibiotikter, dárýmender, antikoagýlianttar, qabynýǵa qarsy) belgilengen baǵamen jáne bir adamǵa 5 danadan artyq satpaý týraly kelisim jasaldy. Turǵyndar bakteriiaǵa jáne virýsqa qarsy preparattar dárigerdiń kelisimi boiynsha satylatynyn eskerý qajet.
Sonymen qatar qalalyq dárihana jelilerinde dári-dármek baǵasynyń negizsiz ósýin anyqtaý maqsatynda arnaiy jumys tobymen reidtik sharalary uiymdastyrylýda. Mysalǵa, «Maýtova A.J.» jáne «I.P. Sýltanbekova» dárihanalarynda shekti baǵany kóterý faktileri anyqtaldy.
Dárihanalardaǵy dári-dármekter boiynsha aqparat www.stopcovid.kz saityna jariialanatyn bolady. Óńirdegi meditsinalyq uiymdar dári-dármektermen qamtamasyz etilgen. Dári-dármekter aýrýhanalar men meditsinalyq uiymdarǵa dispanserlik esepte turǵan jáne aqysyz retsept boiynsha dárilerdi alatyn azamattardy ambýlatoriialyq emdeý úshin jetkiziledi. Koronavirýs infektsiiasy bar naýqastardy emdeý úshin aimaqtaǵy barlyq meditsinalyq mekemeler antipiretikalyq, virýsqa qarsy preparattar men antibiotiktermen qamtamasyz etildi.
Turǵyndar tarapynan dári-dármekterge qatysty suraqtar týyndasa, 51-27-66, 51-04-37 telefon nómirlerine habarlasa alady. Sondai-aq turǵyndardyń shaǵymdary men usynystary boiynsha «109» koll-ortalyǵy jumys jasap tur. Búgingi tańda jedel járdem stantsiiasynda 63 tehnika qyzmet etýde. Biylǵy qyrkúiekte 35 reanimobil men 2 jedel járdem kóligin alý josparlanyp otyr.
Eske sala keteiik, budan buryn BQO-da bir kúnde klinikalyq belgileri joq 91 tasymaldaýshy tirkelgenin jazǵan bolatynbyz.
