Batys Qazaqstan oblysynda 1 459 tósektik 20 infektsiialyq statsionarda 629 naýqas koronavirýstan emdelip jatyr, dep habarlaidy "Ult aqparat".
Oblystyq densaýlyq saqtaý basqarmasynyń baspasóz qyzmeti málim etkenindei, aýrýhanalar 43,1 paiyzǵa tolǵan. Sonyń ishinde Oral qalasynda 911 tósektik 7 statsionarda 513 adam (56,3 paiyz) em qabyldaýda.
Jansaqtaý bólimshelerinde 109 tósek bolsa, olarda 32 naýqas (29,4 paiyz) ornalastyrylǵan. Sońǵy aptada aldyńǵymen salystyrǵanda, indet juqtyrý kórsetkishi 7,5 paiyzǵa (74 adamǵa) kemidi.
Basqarma málimetine qaraǵanda, jyl basynan beri 1 964 baladan koronavirýs anyqtalsa, sonyń 1 878-i emdelip shyqty. 86-sy emdelý ústinde.
Indet bastalǵannan beri oblysta 33 416 naýqas, sonyń ishinde 24 195-i biylǵy 1 qańtardan beri tirkeldi. Solardyń 25 541-i jazylyp shyqty. 632-si kóz jumdy. Tek sońǵy aptada 36 naýqas koronavirýstan qaitty.
