Batys Qazaqstan oblysynda ekpe alýy tiis turǵyndardyń 52,4 paiyzy vaktsina aldy, dep habarlaidy "Ult aqparat".
BQO sanitarlyq-epidemiologiialyq baqylaý departamenti málim etkenindei, óńirde turǵyndar sany 661 162 bolsa, sonyń 360 myńy ekpe alýy kerek.
Qazirgi tańda sonyń 188 678-i (52,4 paiyzy) vaktsinanyń birinshi, 146 584-i (40,7 paiyzy) ekinshi komponentimen egilip úlgerdi.
Departament málimetine qaraǵanda, vaktsinalaý kórsetkishi jóninen Jánibek aýdany alda keledi. Munda 8 285 turǵynnyń 5 561-i nemese 67,1 paiyzy birinshi, 4 829-y (58,3 paiyzy) ekinshi komponentti qabyldady. Sondai-aq Tasqalada 9 066 turǵynnyń 5 643-i (62,2 paiyzy) vaktsinanyń birinshi, 4 666-sy (51,5 paiyzy) ekinshi komponentimen egildi. Qaratóbede 7 538 turǵynnyń 4 018-i (53,3 paiyzy) ekpeniń birinshi, 3228-i (42,8 paiyzy) ekinshi komponentin aldy.
Qalǵan aýdandar men Oral qalasy 50 paiyzdan asa alǵan joq. Oblys ortalyǵynda egilýi kerek 215 461 adamnyń 100 476-sy (46,6 paiyzy) birinshi, 77 070-i (35,8 paiyzy) ekinshi komponentpen egilgen.
Eń tómengi kórsetkishter Bókei ordasy (birinshi komponentpen – 44,9 paiyz), Shyńǵyrlaý (44,2 paiyz) jáne Jańaqala (38,5 paiyz) aýdandarynda.
