Batys Qazaqstan oblysynda eki kúnde myńǵa jýyq túlek UBT tapsyrdy, dep habarlaidy "Ult aqparat".
BQO bilim basqarmasynyń baspasóz qyzmeti málim etkenindei, alǵashqy kúni Jańaqala men Jánibek aýdandarynda UBT synaǵy ótkizildi.
Testileý pýnktterinde sanitarlyq-epidemiologiialyq talaptar oryndaldy. Qoǵamdyq tártipti saqtaý maqsatynda kezekshilik, UBT pýnktterine jetkizý úshin 142 oqýshyǵa tasymal uiymdastyryldy.
Tapsyrýǵa niet bildirgen 198 túlektiń 193-i synaqtan ótti. 1 túlek óz erkimen bas tartsa, tyiym salǵan zattardy alyp ótýge tyrysqany jáne UBT erejelerin buzǵany úshin 4 talapker test tapsyrý múmkindiginen aiyryldy.
23 maýsym kúni oblysta Jańaqala, Jánibek, Aqjaiyq, Bórli, Syrym, Qaztalov jáne Oral qalasynda Jáńgir han atyndaǵy Batys Qazaqstan agrarlyq-tehnikalyq ýniversitetinde úmitkerler synnan ótti.
Túlekter aldymen dezinfektsiialyq tonnelden ótip, dene qyzýyn ólshetip, meditsinalyq maska jáne qolǵappen qamtamasyz etildi.
Ekinshi lekke qatysýy tiis 794 túlektiń 9-y test tapsyrýǵa kelmedi. Tyiym salynǵan zattardy alyp ótýge tyrysqan 6 talapker synaqqa jiberilmedi.
Testileý kezinde uialy telefondy paidalanǵany úshin Oral qalasy, Syrym, Bórli, Jánibek jáne Qaztalov aýdandarynda 9 talapker aýditoriiadan shyǵaryldy. Tártip buzǵandardan bólek, taǵy bir talapker densaýlyq jaǵdaiyna bailanysty UBT-ny basqa kúni, saýyqqan soń tapsyrady.
Osylaisha, ekinshi kúni 769 túlek testileýden ótti.
Óńirde UBT odan ári jalǵasýda.
