Batys Qazaqstan oblysynda eki avtokólik soqtyǵysyp, bir adam mert boldy, dep habarlaidy "Ult aqparat".
Oblystyq densaýlyq saqtaý basqarmasynyń baspasóz qyzmeti málim etkendei, oqiǵa búgin Oral-Atyraý jolynda Aqjaiyq aýdany Aqbulaq jáne Aqsýat aýyldarynyń orta tusynda boldy.
Oqiǵa ornyna trassalyq-meditsinalyq qutqarý beketi jáne Ilbishin dárigerlik ambýlatoriiasynyń brigadasy bardy.
Aldyn ala málimetke qaraǵanda, bes adam zardap shekti. Bir adam kóz jumsa, ekinshisiniń jaǵdaiy aýyr.
BQO politsiia departamentiniń baspasóz qyzmeti oqiǵany rastap, aqparattyń keiin beriletinin jetkizdi.
Belgili bolǵany, kólikterdiń biri «DAF» markili júk kóligi bolsa, ekinshisi - «Toiota Alfard».
