Batys Qazaqstan oblysynda dizeldi otyn tapshylyǵyna bailanysty túsinik berildi, dep habarlaidy QazAqparat.
«Búrkit» janar-jaǵar mai stansasynyń quryltaishysy Nikolai Frolovtyń aitýynsha, qazirgi kezde dizeldi otyn tek mindettemeler boiynsha qala kásiporyndaryna tek talon arqyly ǵana bosatylýda.
Stansada nebári 300 tonnadai dizeldi otyn qaldy.
Tolyq qýatynda jumys jasap turǵan kezde táýligine 12-14 tonna dizeldi otyn bosatylady.
Kúni búgin barlyq janar-jaǵar mai stansalarynda bólshek saýdada bir aidai ýaqyttan beri dizeldi otyn joq.
Onyń sózine qaraǵanda, munyń sebebi Atyraý munai óńdeý zaýytynan tórt ai boiy dizeldi otyn túsken joq.
«Degenmen bul máseleni sheshý maqsatynda qadamdar jasalýda. Taiaý ýaqytta Reseiden dizeldi otyn keledi dep kútip otyrmyz», dedi Frolov.
Onyń pikirinshe, dizeldi otyn tapshylyǵyn boldyrmaý úshin bizdiń jer qoinaýyn paidalanýshylarǵa respýblika qajettiligi úshin bosatý kólemin 10 paiyzdan 20-ǵa kóterý kerek. Áýeli óz qajettiligimizdi ótep bolǵannan keiin ózge elderge jiberse, jaqsy bolar edi.
Sondai-aq Energetika ministrligi tarapynan dizeldi otynǵa bailanysty qalyptasqan jaǵdaidy retteý úshin Shymkent jáne Pavlodar munai óńdeý zaýyttarynyń jumysyna monitoring jasalyp otyrsa, durys bolar edi.
BQO energetika jáne turǵyn úi-kommýnaldyq sharýashylyq basqarmasy dizeldi otyn jetkizýmen oblysta 7 kompaniianyń ainalysatynyn jetkizdi. Olardyń birqatary reseilik munai óńdeý zaýyttarymen dizeldi otyn jetkizýge kelisim jasasty. Jýyrda ónim kele bastamaq.
