باتىس قازاقستان وبلىسىندا ديزەلدٸ وتىن تاپشىلىعىنا بايلانىستى تٷسٸنٸك بەرٸلدٸ, دەپ حابارلايدى قازاقپارات.
«بٷركٸت» جانار-جاعار ماي ستانساسىنىڭ قۇرىلتايشىسى نيكولاي فرولوۆتىڭ ايتۋىنشا, قازٸرگٸ كەزدە ديزەلدٸ وتىن تەك مٸندەتتەمەلەر بويىنشا قالا كەسٸپورىندارىنا تەك تالون ارقىلى عانا بوساتىلۋدا.
ستانسادا نەبەرٸ 300 تونناداي ديزەلدٸ وتىن قالدى.
تولىق قۋاتىندا جۇمىس جاساپ تۇرعان كەزدە تەۋلٸگٸنە 12-14 توننا ديزەلدٸ وتىن بوساتىلادى.
كٷنٸ بٷگٸن بارلىق جانار-جاعار ماي ستانسالارىندا بٶلشەك ساۋدادا بٸر ايداي ۋاقىتتان بەرٸ ديزەلدٸ وتىن جوق.
ونىڭ سٶزٸنە قاراعاندا, مۇنىڭ سەبەبٸ اتىراۋ مۇناي ٶڭدەۋ زاۋىتىنان تٶرت اي بويى ديزەلدٸ وتىن تٷسكەن جوق.
«دەگەنمەن بۇل مەسەلەنٸ شەشۋ ماقساتىندا قادامدار جاسالۋدا. تاياۋ ۋاقىتتا رەسەيدەن ديزەلدٸ وتىن كەلەدٸ دەپ كٷتٸپ وتىرمىز», دەدٸ فرولوۆ.
ونىڭ پٸكٸرٸنشە, ديزەلدٸ وتىن تاپشىلىعىن بولدىرماۋ ٷشٸن بٸزدٸڭ جەر قويناۋىن پايدالانۋشىلارعا رەسپۋبليكا قاجەتتٸلٸگٸ ٷشٸن بوساتۋ كٶلەمٸن 10 پايىزدان 20-عا كٶتەرۋ كەرەك. ەۋەلٸ ٶز قاجەتتٸلٸگٸمٸزدٸ ٶتەپ بولعاننان كەيٸن ٶزگە ەلدەرگە جٸبەرسە, جاقسى بولار ەدٸ.
سونداي-اق ەنەرگەتيكا مينيسترلٸگٸ تاراپىنان ديزەلدٸ وتىنعا بايلانىستى قالىپتاسقان جاعدايدى رەتتەۋ ٷشٸن شىمكەنت جەنە پاۆلودار مۇناي ٶڭدەۋ زاۋىتتارىنىڭ جۇمىسىنا مونيتورينگ جاسالىپ وتىرسا, دۇرىس بولار ەدٸ.
بقو ەنەرگەتيكا جەنە تۇرعىن ٷي-كوممۋنالدىق شارۋاشىلىق باسقارماسى ديزەلدٸ وتىن جەتكٸزۋمەن وبلىستا 7 كومپانييانىڭ اينالىساتىنىن جەتكٸزدٸ. ولاردىڭ بٸرقاتارى رەسەيلٸك مۇناي ٶڭدەۋ زاۋىتتارىمەن ديزەلدٸ وتىن جەتكٸزۋگە كەلٸسٸم جاساستى. جۋىردا ٶنٸم كەلە باستاماق.
