Batys Qazaqstan oblysynda tórtinshi toqsanda 1 sáýirden bastap 446 oqýshydan koronavirýs anyqtaldy, olardyń 235-i dástúrli sipatta, 211-i qashyqtan oqidy, dep habarlaidy "Ult aqparat".
BQO sanitarlyq-epidemiologiialyq baqylaý departamentiniń basshysy Muhamǵali Aryspaevtyń óńirlik kommýnikatsiialar qyzmeti alańynda ótken brifingide málim etkenindei, osy ýaqytta 219 muǵalimnen indet tabyldy.
Olardyń 207-si dástúrli sipatta, 12-si qashyqtan sabaq beredi.
Oqý jyly bastalǵannan beri barlyǵy 1079 oqýshy (577-si dástúrli sipatta, 502-si qashyqtan bilim alady) syrqattandy.
Departament basshysynyń aitýynsha, qazirgi kezde 5 mektep, 1 balabaqsha, sonymen qatar 30 mekteptegi 59 synyp, 9 balabaqshada 9 top, 1 JOO-da 1 top karantinge jabyldy.
Mamyr aiynda oblys boiynsha 1551, sońǵy táýlikte 123 adamda indet tirkeldi.
Osy aida 29465 PTR test zertteýleri (kúnine orta eseppen 2266) júrgizildi.
Monitoringtik toptar mamyrda 109 reid júrgizip, 487 nysandy qamtydy. 1 nysanda karantin tártibin buzýshylyq anyqtaldy. 17 hattama toltyrylyp, 743835 teńge aiyppul salyndy.
«Ashyq» qosymshasymen oblys boiynsha barlyǵy 245 nysan jumys isteidi. Kovidpen aýyryp júrgen, sondai-aq indet juqtyrǵandarmen qarym-qatynastaǵy, iaǵni úilerinde oqshaýlanýǵa tiisti adamdardyń osyndai nysandarǵa kelý derekteri belgili bolýda. Atap aitqanda, Oralda qyzyl tústi mártebesi bar 20, sary tústi 25, Aqsai qalasynda qyzyl tústi mártebesi bar 2, sary tústi 5 adamnyń atalmysh nysandarǵa kirmek bolǵany anyqtaldy», dedi Aryspaev.
