Batys Qazaqstan oblysynda aǵaly-inili eki bala joǵalyp ketti, dep habarlaidy "Ult aqparat".
BQO politsiia departamentiniń baspasóz qyzmetinen túsken málimetke qaraǵanda, oqiǵa Aqjaiyq aýdany Janama aýylynda keshe saǵat 15.30-da oryn alǵan.
2014 jyly 2 qazanda dúniege kelgen Nurislam men 2017 jyly 23 qarashada týǵan Beksultan Orynbasar óz úiiniń aýlasynda oinap júrgen. Úi sharýasynda júrgen anasy olardy sońǵy ret saǵat 15.00 shamasynda baiqaǵan, al balalardyń ákesi jumysta bolǵan. Sodan keiin ata-ana, týma-týysqandary jergilikti turǵyndarmen keshki 20.30-ǵa deiin óz bet imen izdestirgen. Taba almaǵan soń Taipaq politsiia bólimine habarlaǵan.
Habardy estigennen keiin oqiǵa ornyna Oraldan BQO politsiia departamentiniń basshylary bastaǵan arnaiy top bardy.
Aýyldan bir shaqyrym jerde Qarasý ózeni de bar.
Joǵalǵan balalar týraly biletinder bolsa, 102, 112, 8-777-075-16-72, 8-702-526-91-75, 8-777-914-10-34 telefondaryna habarlasýǵa bolady.
BQO TJ departamentiniń baspasóz qyzmeti qutqarýshylardyń da eki balany izdestirip jatqanyn jetkizdi.
