باتىس قازاقستاندا اعالى-ٸنٸلٸ ەكٸ بالا جوعالىپ كەتتٸ

باتىس قازاقستان وبلىسىندا اعالى-ٸنٸلٸ ەكٸ بالا جوعالىپ كەتتٸ, دەپ حابارلايدى "ۇلت اقپارات".

بقو پوليتسييا دەپارتامەنتٸنٸڭ باسپاسٶز قىزمەتٸنەن تٷسكەن مەلٸمەتكە قاراعاندا, وقيعا اقجايىق اۋدانى جاناما اۋىلىندا كەشە ساعات 15.30-دا ورىن العان.

2014 جىلى 2 قازاندا دٷنيەگە كەلگەن نۇريسلام مەن 2017 جىلى 23 قاراشادا تۋعان بەكسۇلتان ورىنباسار ٶز ٷيٸنٸڭ اۋلاسىندا ويناپ جٷرگەن. ٷي شارۋاسىندا جٷرگەن اناسى ولاردى سوڭعى رەت ساعات 15.00 شاماسىندا بايقاعان, ال بالالاردىڭ ەكەسٸ جۇمىستا بولعان. سودان كەيٸن اتا-انا, تۋما-تۋىسقاندارى جەرگٸلٸكتٸ تۇرعىندارمەن كەشكٸ 20.30-عا دەيٸن ٶز بەت ٸمەن ٸزدەستٸرگەن. تابا الماعان سوڭ تايپاق پوليتسييا بٶلٸمٸنە حابارلاعان.

حاباردى ەستٸگەننەن كەيٸن وقيعا ورنىنا ورالدان بقو پوليتسييا دەپارتامەنتٸنٸڭ باسشىلارى باستاعان ارنايى توپ باردى.

اۋىلدان بٸر شاقىرىم جەردە قاراسۋ ٶزەنٸ دە بار.

جوعالعان بالالار تۋرالى بٸلەتٸندەر بولسا, 102, 112, 8-777-075-16-72, 8-702-526-91-75, 8-777-914-10-34 تەلەفوندارىنا حابارلاسۋعا بولادى.

بقو تج دەپارتامەنتٸنٸڭ باسپاسٶز قىزمەتٸ قۇتقارۋشىلاردىڭ دا ەكٸ بالانى ٸزدەستٸرٸپ جاتقانىن جەتكٸزدٸ.