Batys Qazaqstan oblysynda Ekinshi dúniejúzilik soǵys ardageri, 95 jastaǵy Andrei Startsev koronavirýsqa qarsy ekpe saldyrdy, dep habarlaidy QazAqparat.
Andrei Timofeevich Báiterek aýdany Rýbejin aýylynda turady.
Ol óziniń jáne týystarynyń densaýlyǵy úshin vaktsina alǵanyn jetkizdi.
Ekpe alǵandardyń taǵy biri - osy aýdannyń Dostyq aýylynda turatyn Mihail Diadchenko.
«Meniń jasym 82-de. «Spýtnik V« vaktsinasyn qabyldadym. Qazir ózimdi jaqsy sezinemin. Ekpe alý, ásirese, jasy ulǵaiǵan adamdar úshin mańyzdy. Ózimizdi jáne jaqyn-jýyqtarymyzdy qorǵaý úshin vaktsina alý qajet, dedi Diadchenko.
Oblystyq densaýlyq saqtaý basqarmasynan túsken málimetke qaraǵanda, ótken táýlikte 619 adam vaktsinanyń birinshi komponentimen egildi.
Vaktsinatsiia bastalǵannan beri oblys boiynsha barlyǵy 217 551 adam birinshi komponentti saldyrdy, bul - egilýge tiisti turǵyndardyń 60,4 paiyzy.
Sondai-aq 189 536-sy ekinshi komponentti saldyrdy.
Turǵyndardy egý jumystary odan ári jalǵasýda.
