Batys Qazaqstan oblysynda 600 tonnadai shóp janyp ketti, dep habarlaidy QazAqparat.
BQO TJ departamentiniń baspasóz qyzmetinen túsken málimetke qaraǵanda, oqiǵa 18 shilde kúni Terekti aýdany Bogdanov aýyldyq okrýginde boldy.
«Tańǵy saǵat 04.00-de «Rodina» JShS aýmaǵynda 2405 orama (rýlon) shóptiń otqa oranǵany jóninde habar tústi. Órtti sóndirýge departamentten 4 qyzmetker (1 tehnika) jumyldyryldy. Sondai-aq erikti órt sóndirý qurylymynan 10 adam, 3 traktor, 1 sý quiǵysh tehnika tartyldy. Tilsiz jaý bólek úiilgen 6 iskirtti (600 tonnadai) jalmady. Órt 07.22-de oqshaýlandy.
Aldyn ala boljam boiynsha órt qasaqana ot qoiýdan shyqqan. BQO TJ departamenti turǵyndarǵa órt qaýipsizdigi erejelerin qatań saqtaý kerektigin eske salady», dep habarlady vedomstvodan.
