باتىس قازاقستان وبلىسىندا 600 تونناداي شٶپ جانىپ كەتتٸ, دەپ حابارلايدى قازاقپارات.
بقو تج دەپارتامەنتٸنٸڭ باسپاسٶز قىزمەتٸنەن تٷسكەن مەلٸمەتكە قاراعاندا, وقيعا 18 شٸلدە كٷنٸ تەرەكتٸ اۋدانى بوگدانوۆ اۋىلدىق وكرۋگٸندە بولدى.
«تاڭعى ساعات 04.00-دە «رودينا» جشس اۋماعىندا 2405 وراما (رۋلون) شٶپتٸڭ وتقا ورانعانى جٶنٸندە حابار تٷستٸ. ٶرتتٸ سٶندٸرۋگە دەپارتامەنتتەن 4 قىزمەتكەر (1 تەحنيكا) جۇمىلدىرىلدى. سونداي-اق ەرٸكتٸ ٶرت سٶندٸرۋ قۇرىلىمىنان 10 ادام, 3 تراكتور, 1 سۋ قۇيعىش تەحنيكا تارتىلدى. تٸلسٸز جاۋ بٶلەك ٷيٸلگەن 6 ٸسكٸرتتٸ (600 تونناداي) جالمادى. ٶرت 07.22-دە وقشاۋلاندى.
الدىن الا بولجام بويىنشا ٶرت قاساقانا وت قويۋدان شىققان. بقو تج دەپارتامەنتٸ تۇرعىندارعا ٶرت قاۋٸپسٸزدٸگٸ ەرەجەلەرٸن قاتاڭ ساقتاۋ كەرەكتٸگٸن ەسكە سالادى», دەپ حابارلادى ۆەدومستۆودان.
