Batys Qazaqstan oblysynda pyshaq jaraqatynan er adam qaza tapty, dep habarlaidy "Ult aqparat".
BQO politsiia departamentiniń baspasóz qyzmeti málim etkenindei, 8 jeltoqsan kúni saǵat 00:30-da Terekti aýdany aýmaǵynda kisi óltirý deregi ashyldy.
Araq ishý barysynda bir-birimen sózge kelgen 32 jastaǵy turǵyn asúide 44 jastaǵy er adamnyń ishi, arqasy men keýde tusyna pyshaq salǵan.
Sonyń saldarynan er adam jedel járdem kelgenge deiin kóz jumdy. Múrde sot-meditsinalyq saraptamaǵa jiberildi.
Qazirgi kezde kúdikti ýaqytsha oqshaýlaý izoliatoryna qamaldy. QR QK 99-baby 1-bóligine (kisi óltirý) sáikes tergeý amaldary júrgizilýde.
BQO densaýlyq saqtaý basqarmasy baspasóz qyzmetiniń naqtylaýynsha, búgin tańmen taǵy bir adam ólimi tirkeldi.
Ekinshi oqiǵa Oraldaǵy páter ieleri kooperativinde boldy. 64 jastaǵy er adam jumys ornynda kóz jumdy. Jedel járdem saǵat 09.00-de shaqyryldy.
Ol da jedel járdem kelgenge deiin qaitys boldy.
