Batys Qazaqstan oblysynda 2,5 tonna balyq tielgen «GAZel» avtokóligi aýdarylyp qaldy, dep habarlaidy QazAqparat.
BQO politsiia departamentiniń baspasóz qyzmeti málim etkenindei, oqiǵa Oral qalasyna qarasty Derkól kentinde bolǵan.
Aýdarylǵan kólik kýzovynan 56 polietilen qapqa salynǵan qarabalyq shyqty. Kólik júrgizýshisi balyqty ruqsat qaǵazdarynsyz tasymaldaǵan. Tárkilengen 2504 keli balyq «Kaspii Ýral» seriktestigine saqtaýǵa tapsyryldy.
Sondai-aq, politseiler «Bekire» jedel aldyn alý is-sharasy barysynda Oral-Saratov joly boiynda jalǵan reseilik nómir taǵylǵan «GAZel» avtokóligi toqtatylǵanyn habarlady. Bul kólikten ruqsat qaǵazdary joq, 66 qapqa salynǵan 3 tonna 102 kg qarabalyq alyndy.
«Qazirgi kezde QR QK 196-baby 1-bóligine (kórineý qylmystyq jolmen tabylǵan múlikti iemdený nemese ótkizý) sáikes sotqa deiingi tergeý amaldary júrgizilip jatyr», - deidi departament ókilderi.
