Batys Qazaqstan oblysynda 16 jasar oqýshy qyz kúieýge «qashyp ketken» jerinen keri qaitaryldy, dep habarlaidy "Ult aqparat".
BQO politsiia departamentiniń resmi ókili Bolatbek Belgibekovtiń málim etkenindei, oqiǵa 28 qazan kúni Báiterek aýdanynda boldy.
Saǵat 21.00-de áiel qyzynyń joǵalyp ketkeni jóninde politsiiaǵa júgingen. Onyń sózine qaraǵanda, qyzy shamamen saǵat 18.00-de mektepten belgisiz baǵytta shyǵyp ketken. Tolyq otbasynda tárbielenetin ol buryn mundai qylyqqa barmaǵan.
Dabyl boiynsha Báiterek aýdany politsiia bóliminiń jeke quramy aiaǵynan tik turdy. Sondai-aq mektep ujymy, eriktiler jáne basqa turǵyndar qyzdy izdeýge jumyldyryldy.
Áleýmettik jelige monitoring jasaý kezinde politsiia qyzmetkerleri qyzdyń basyna oramal salǵan sýretin kórdi.
«Politsiia qyzmetkerleri qyzdyń jigitiniń úiine kelip, onyń keri qaitýdan bas tartqanyna qaramastan, ata-anasynyń qolyna tapsyrdy. Kámeletke tolmaǵan qyzdy eshkim alyp qashpaǵan, «kúieýiniń» úiine óz erkimen kelgen. Politseiler eki jaqtyń týysqandarymen túsinik jumystaryn júrgizdi. Qyzdyń ata-anasy men mektep direktory politseilerge rizashylyǵyn bildirdi», dedi Belgibekov.
