Foto: Unsplash
Batys Qazaqstan oblysynda er adam júk kóligin jóndeý kezinde kóz jumdy, dep habarlaidy "Ult aqparat".
BQO politsiia departamenti baspasóz qyzmetiniń ókili, politsiia maiory Dariǵa Májitovanyń aitýynsha, oqiǵa 4 sáýir kúni shamamen saǵat 16.40-ta Aqsai qalasy Baldyrǵan kóshesinde bolǵan.
Onyń sózine qaraǵanda, 1976 jylǵy júrgizýshi úiiniń aýlasynda óziniń "Gaz SAZ 35071" (samosval) kóligin jóndegen. Tormoz suiyǵyn aǵyzý kezinde kóliktiń astynda jatqan azamat kámeletke tolmaǵan 2009 jylǵy ulyna kabinaǵa otyryp, mashinany otaldyryp, tormoz tepkishin basyp, ózine kómektesýin ótingen.
"Bul kezde berilis qoraby qosýly bolǵan avtokólik ózdiginen alǵa júrip, er adamdy basyp ketken. Saldarynan er adam aýrýhananyń jansaqtaý bóliminde qaitys boldy. Atalǵan derek QR QK 345-baby 3-bóligine sáikes tirkeldi", - dedi Dariǵa Májitova.
