Batys Qazaqstan oblysynda jeke turǵyn úi salý úshin jer telimin alýǵa 104191 adam kezekte tur, dep habarlaidy "Ult aqparat".
BQO jer qatynastary basqarmasynyń basshysy Murat Ómirálievtiń óńirlik kommýnikatsiialar qyzmeti alańynda ótken brifingide málim etkenindei, sonyń 72437-si Oral qalasynyń úlesine tiedi.
Onyń aitýynsha, 2019 jyly jeke turǵyn úi qurylysy úshin oblys aýdandarynda 1502, biyl 366 jer telimi berildi.
Kúni búgin oblys boiynsha «Nurly jer» baǵdarlamasy aiasynda 572 jer telimin (363-i – Bórli, 209-y Báiterek aýdanynda) berý josparlanýda.
«2017 jyly «Nurly jer» baǵdarlamasy aiasynda Oralǵa qarasty Krýgloozernyi kenti aýmaǵynda 1141 jer telimine egjei-tegjeili jobalaý jospary daiyndalyp, bekitildi. Qazirgi kezde atalǵan jer telimderin sýmen jabdyqtaý jumystary júrgizilýde. Qajetti injenerlik jelilermen qamtamasyz etilgennen keiin jer telimderi kezekke sáikes beriletin bolady. Sonymen qatar tiisti jumystar aiaqtalǵannan keiin Qaratóbe aýdanynda 144, Terektide 528 jer telimi ielerine tabys etiledi», dedi M.Ómiráliev.
