باتىس قازاقستان وبلىسىندا جەكە تۇرعىن ٷي سالۋ ٷشٸن جەر تەلٸمٸن الۋعا 104191 ادام كەزەكتە تۇر, دەپ حابارلايدى "ۇلت اقپارات".
بقو جەر قاتىناستارى باسقارماسىنىڭ باسشىسى مۇرات ٶمٸرەليەۆتٸڭ ٶڭٸرلٸك كوممۋنيكاتسييالار قىزمەتٸ الاڭىندا ٶتكەن بريفينگٸدە مەلٸم ەتكەنٸندەي, سونىڭ 72437-سٸ ورال قالاسىنىڭ ٷلەسٸنە تيەدٸ.
ونىڭ ايتۋىنشا, 2019 جىلى جەكە تۇرعىن ٷي قۇرىلىسى ٷشٸن وبلىس اۋداندارىندا 1502, بيىل 366 جەر تەلٸمٸ بەرٸلدٸ.
كٷنٸ بٷگٸن وبلىس بويىنشا «نۇرلى جەر» باعدارلاماسى اياسىندا 572 جەر تەلٸمٸن (363-ٸ – بٶرلٸ, 209-ى بەيتەرەك اۋدانىندا) بەرۋ جوسپارلانۋدا.
«2017 جىلى «نۇرلى جەر» باعدارلاماسى اياسىندا ورالعا قاراستى كرۋگلووزەرنىي كەنتٸ اۋماعىندا 1141 جەر تەلٸمٸنە ەگجەي-تەگجەيلٸ جوبالاۋ جوسپارى دايىندالىپ, بەكٸتٸلدٸ. قازٸرگٸ كەزدە اتالعان جەر تەلٸمدەرٸن سۋمەن جابدىقتاۋ جۇمىستارى جٷرگٸزٸلۋدە. قاجەتتٸ ينجەنەرلٸك جەلٸلەرمەن قامتاماسىز ەتٸلگەننەن كەيٸن جەر تەلٸمدەرٸ كەزەككە سەيكەس بەرٸلەتٸن بولادى. سونىمەن قاتار تيٸستٸ جۇمىستار اياقتالعاننان كەيٸن قاراتٶبە اۋدانىندا 144, تەرەكتٸدە 528 جەر تەلٸمٸ يەلەرٸنە تابىس ەتٸلەدٸ», دەدٸ م.ٶمٸرەليەۆ.
