Foto: "Ohotzooprom" RMQK
BQO-nyń Kaztalov aýdanynda 100-den astam kiik sýdan shyǵaryldy, dep habarlaidy QazAqparat.
«Bókeiorda» memlekettik tabiǵi rezervatynyń direktory Ulan Mamyrbaevtyń aitýynsha, oqiǵa 14 naýryz kúni Aqpáter aýyldyq okrýginde boldy.
Onyń sózine qaraǵanda, áleýmettik jelide Qaraózende muz ketip, aǵys kúsheigendikten, kiikterdiń sýdan shyǵýy qiyndaǵany týraly beinejazba taralǵan.
«Atalǵan jait boiynsha rezervat qyzmetkerleri «Ohotzooprom» ÓB» RMQK, BQO orman sharýashylyǵy jáne janýarlar dúniesi aýmaqtyq inspektsiiasy, aýdan ákimdiginiń ókilderimen birge oqiǵa ornyna jedel jetip, máseleni anyqtady. Qyzmetkerler muz ústinde júrgen kiikterdiń aman ótýine kómektesti. Sol ýaqytta kiikterdiń muz ústinde qalǵany nemese shyǵynǵa ushyraǵany týraly derek tirkelgen joq», - dedi Mamyrbaev.
