Foto: aikyn.kz
Batys Qazaqstan oblysynda mektep oqýshysy oq jaraqatyn aldy, - dep habarlaidy «Ult aqparat» "Moi GOROD" basylymyna silteme jasap.
Batys Qazaqstan Politsiia departamenti oqiǵanyń Aqjaiyq aýdanynda bolǵanyn habarlady. 30 jastaǵy er adam abaisyzda mektep oqýshysyn atqan. Jasóspirim aýrýhanaǵa jatqyzyldy. Atalǵan fakt boiynsha QR Qylmystyq kodeksiniń 114-baby "Abaisyzda densaýlyqqa ziian keltirý" boiynsha sotaldy tergeý amaldary júrgizilip jatyr.
Aýdandyq bilim bólimi 3 aqpanda 17 jastaǵy 11-synyp oqýshysy aǵasymen ańǵa shyqqanyn habarlady. Sol jerde ol jaraqat alǵan.
"Oqiǵanyń qalai bolǵanyn bilmeimiz, biraq atqannan keiin bytyra kózi, beti jáne moinyna tigen. Oqýshy tiri. Ata-anasynyń shaǵymy joq", - dep túsindirdi Bilim basqarmasy.
Aýdan ákimi ańshylyqta kámeletke tolmaǵan bir bala bolǵanyn, qalǵandarynyń barlyǵy eresek adamdar ekenin túsindirdi. Ańshylardyń qarý qoldanýǵa ruqsattary bolǵan.
