Batys Qazaqstan oblysynda jyl basynan beri 107 adam koronavirýstan kóz jumdy, dep habarlaidy "Ult aqparat".
BQO densaýlyq saqtaý basqarmasynyń basshysy mindetin atqarýshy Arman Qalibekovtiń óńirlik kommýnikatsiialar qyzmeti alańynda ótken brifingide málim etkenindei, sonyń ishinde qańtarda – 28, aqpanda – 15, naýryzda – 30, al sáýir aiynda 32 adam ómirden ótti.
Qaitqandardyń 58-i – áiel, 49-y – er adamdar.
Arman Talǵatulynyń sózine qaraǵanda, 104 naýqasta, iaǵni 98 paiyzynda sozylmaly aýrýy bolǵan. 75 paiyzy júrek-qan tamyrlary aýrýlary, 13 paiyzy qant diabeti, 12 paiyzy basqa dertpen aýyrǵan.
Óńirde osy kezge deiin 19030 adam indet juqtyrsa, sonyń 78 paiyzy (14891-i) jazylyp shyqty. Oblysta barlyǵy 276 koronavirýstan qaitty.
Kúni búgin 195 tósektik 4 karantindik statsionarda 19 naýqas em qabyldaýda.
«Qazirgi kezde 1115 tósektik 11 infektsiialyq statsionarda 603 adam emdelýde. Sonyń ishinde 40 naýqas jansaqtaý bóliminde jatyr. Bulardyń deni – egde jastaǵy adamdar. Atap aitqanda, ekeýi – 50-ge jetpegen, tórteýi – 50-60, 23-i – 60-80 jas aralyǵyndaǵylar, 11-i – seksennen asqandar. 32-sinde sozylmaly syrqattary (23-inde – júrek-qan tamyrlary aýrýlary, 9-ynda – qant diabeti) bar», dedi A.Qalibekov.
