Jáńgir han atyndaǵy Batys Qazaqstan agrarlyq-tehnikalyq ýniversitetiniń zalynda Senat depýtatyn sailaý ótkizildi, dep habarlaidy "Ult aqparat".
Tańdaýshylar men oblystyq aýmaqtyq sailaý komissiiasynyń birlesken otyrysyna óńirdegi 191 depýtattyń 183-i qatysty.
Oblystyq sailaý komissiiasynyń tóraǵasy Ǵaisa Qapaqovtyń málim etkenindei, «Oral gýmanitarlyq kolledji» MM-nyń qarjy direktory Liazzat Rysbekovaǵa 128 depýtat (70 paiyzy) daýys berdi.
«Batys sý arnasy» JShS direktorynyń orynbasary Aqylbek Amanǵaliev 30 daýys (16,4 paiyz), Oblystyq balalar-jasóspirimder týrizmi jáne ekologiia ortalyǵynyń direktory Ǵalym Bekqaliev 24 daýys (13,3 paiyz) jinady.
Osylaisha L.Rysbekova kópshilik daýysqa ie boldy.
Eske sala keteiik, budan buryn Batys Qazaqstanda Senat depýtatyna úsh kandidat tirkelgenin jazǵan bolatynbyz.
