Sheteldik aqparat kózderiniń habarlaýynsha, birinshi jartylai orta salmaqtaǵy qazaqstandyq boksshy Batyr Júkembaev (18-0, 14 KO) kelesi jekpe-jegin 29 mamyrda Los-Andjeleste (Kaliforniia shtaty, AQSh) ótkizedi, dep habarlaidy "Ult aqparat" Sports.kz-ke silteme jasap.
Otandyq sportshynyń qarsylasy Pýerto-Riko ókili Sabriel Matias (16-1, 16 KO) bolmaq. Kezdesý Showtime telearnasyndaǵy boks shoýynyń aiasynda ótedi.
Júkembaev — Matias jekpe-jegi birinshi jartylai orta sanattaǵy álem chempiony titýlyna mindetti úmitkerdi anyqtaý úshin IBF-tiń «tórt týrnir» bóligi retinde josparlanǵan. Taǵy bir «jartylai finalda» britaniialyq boksshy Liýis Ritson (21-1, 12 KO) jáne argentinalyq Ieremias Ponse (27-0, 17 KO) kezdesedi.
Aita keteiik, Batyr úshin aldaǵy jekpe-jek AQSh-taǵy debiýti bolmaq. Qazaqstandyqtyń barlyq aldyńǵy jekpe-jegi Kanadada ótken bolatyn.
