Birinshi jartylai orta salmaqtaǵy qazaqstandyq boksshy Batyr Júkembaev (18-0, 14KO) kezekti jekpe-jegin pýertorikandyq Sabriel Matiasqa (16-1, 16KO) qarsy ótkizedi, dep habarlaidy QazAqparat.
VKontakte áleýmettik jelisindegni «Qazaqstannyń kásipqoi boksy» paraqshasynda málim etilgendei, kezdesý 29 mamyr kúni Showtime Championship Boxing boks keshi aiasynda ótedi. Keshtiń basty jekpe-jegi WBC-tiń asa jeńil salmaqtaǵy chempiony, frantsýz Nordin Ýbaalidiń (17-0, 12KO) jáne Filippin ókili Nonito Doneirdiń (40-6, 26KO) arasynda bolady.
Júkembaev – Matias aiqasy Showtime telearnasynyń taiaý ailardaǵy transliatsiiasynyń kestesine qosylǵan. Keshtiń naqty qai jerde ótetini ázirge málimdelgen joq. Alaida, ol Los-Andjeles bolýy múmkin.
Aita keteiik, Batyr men Sabrieldiń jekpe-jegi IBF-tiń «tórttik týrniriniń» bir bóligi retinde josparlanýda. Onyń jeńimpazy birinshi jartylai orta salmaq divizionynyń álem chempiony ataǵy úshin mindetti úmitker tizimine engiziledi.
Eske salaiyq, biylǵy aqpan aiynda Batyr Júkembaev «MTK Global» promoýterlik kompaniiasymen kelsimshartqa qol qoiǵan bolatyn.
