Qazaqstandyq boksshy Batyr Júkembaev meksikalyq Lýis Hesýs Vidalespen (13-6, 6KO) jekpe-jekke shyǵyp, jeńise jetti, dep habarlaidy Sports.kz.
Jartylai orta salmaqtaǵy 10 raýndtyq jekpe-jek Kanadanyń Monreal qalasyndaǵy Montreal Casino oiyn-saýyq kesheninde ótti. Kezdesýdiń birinshi raýndynda Batyr Júkembaev qarsylasy Lýis Hesýs Vidalesti tehnikalyq nokaýtqa túsirip, kezekti jeńisine qol jetkizdi.
«Kotto» laqap atymen belgili meksikalyq Lýis Hesýs Vidales 30 jasta. Ol 2011 jyldan beri kásipqoi boksta. Bir kezdesýden basqasynyń bárin Meksikada ótkizgen.
Aita keteiik, Júkembaev sońǵy aiqasyn dál osy Monreal qalasynda ótkizip, meksikalyq Hilberto Mesany (10-5-1, 6 KO) tóreshilerdiń biraýyzdy sheshimimen jeńgen edi.
