قازاقستاندىق بوكسشى باتىر جٷكەمباەۆ مەكسيكالىق لۋيس حەسۋس ۆيدالەسپەن (13-6, 6كو) جەكپە-جەككە شىعىپ, جەڭٸسە جەتتٸ, دەپ حابارلايدى Sports.kz.
جارتىلاي ورتا سالماقتاعى 10 راۋندتىق جەكپە-جەك كانادانىڭ مونرەال قالاسىنداعى Montreal Casino ويىن-ساۋىق كەشەنٸندە ٶتتٸ. كەزدەسۋدٸڭ بٸرٸنشٸ راۋندىندا باتىر جٷكەمباەۆ قارسىلاسى لۋيس حەسۋس ۆيدالەستٸ تەحنيكالىق نوكاۋتقا تٷسٸرٸپ, كەزەكتٸ جەڭٸسٸنە قول جەتكٸزدٸ.
«كوتتو» لاقاپ اتىمەن بەلگٸلٸ مەكسيكالىق لۋيس حەسۋس ۆيدالەس 30 جاستا. ول 2011 جىلدان بەرٸ كەسٸپقوي بوكستا. بٸر كەزدەسۋدەن باسقاسىنىڭ بەرٸن مەكسيكادا ٶتكٸزگەن.
ايتا كەتەيٸك, جٷكەمباەۆ سوڭعى ايقاسىن دەل وسى مونرەال قالاسىندا ٶتكٸزٸپ, مەكسيكالىق حيلبەرتو مەسانى (10-5-1, 6 كو) تٶرەشٸلەردٸڭ بٸراۋىزدى شەشٸمٸمەن جەڭگەن ەدٸ.
