Qazaqstandyq kásipqoi boksshy Batyr Júkembaev (14-0, 11 KO) kezekti jeńisine qol jetkizdi, dep habarlaidy Sports.kz.
Áýelde onyń meksikalyq Patrisio Morenomen (20-3, 14 KO) jekpe-jegine birinshi orta salmaqtaǵy WBC International chempiondyq beldigi tigilýi tiis bolǵan edi. Biraq salmaq ólsheý rásimi ótetin kúni uiymdastyrýshylar boks keshinde bul beldik sarapqa salynbaitynyn málimdegen. Belgili bolǵandai, Júkembaev bul beldikke kelesi kezdesýde talasa alady eken.
Aita keteiik, jerlesimiz Morenony jetinshi raýndta nokaýtqa jiberdi. Alaida oǵan deiin ózi de nokdaýnǵa túsip baryp, es jidy.
