Foto: ©️ Tengrinews.kz / Týrar Kazangapov
Mańǵystaýda 59 jastaǵy er adamdy urlap, óltirdi degen kúdikpen eki áskeri qyzmetker ustaldy. Bul týraly Egovpress telegram arnasy keibir derekkózderge silteme jasap paraqshasynda jariialaǵan bolatyn, - dep habarlaidy «Ult aqparat» Mańǵystaý oblystyq IID baspasóz qyzmetine silteme jasap.
Tergeýshilerdiń málimetinshe, kúdiktiler marqumnyń basyn kesip, keiin jerlegen. Taǵy bir kúdikti qashyp ketken. Al qaitys bolǵan adam birneshe kúnnen beri iz-túzsiz joǵalǵandar tiziminde bolǵan. Politsiia departamentiniń baspasóz qyzmeti adamdy urlap ketip, óltirgen eki kúdiktiniń ustalǵanyn rastady.
"Eki kúdikti ustalyp, ýaqytsha ustaý izoliatoryna qamaldy. Úshinshi kúdiktini ustaý boiynsha jedel izdestirý sharalary júrgizilip jatyr. Qazir tergeý amaldary júrýde. Tergeý múddesi úshin basqa málimetter jariialanbaidy", - dep habarlady Mańǵystaý oblystyq IID baspasóz qyzmeti.
