فوتو: ©️ Tengrinews.kz / تۋرار كازانگاپوۆ
ماڭعىستاۋدا 59 جاستاعى ەر ادامدى ۇرلاپ, ٶلتٸردٸ دەگەن كٷدٸكپەن ەكٸ ەسكەري قىزمەتكەر ۇستالدى. بۇل تۋرالى ەgovpress تەلەگرام ارناسى كەيبٸر دەرەككٶزدەرگە سٸلتەمە جاساپ پاراقشاسىندا جارييالاعان بولاتىن, - دەپ حابارلايدى «ۇلت اقپارات» ماڭعىستاۋ وبلىستىق ٸٸد باسپاسٶز قىزمەتٸنە سٸلتەمە جاساپ.
تەرگەۋشٸلەردٸڭ مەلٸمەتٸنشە, كٷدٸكتٸلەر مارقۇمنىڭ باسىن كەسٸپ, كەيٸن جەرلەگەن. تاعى بٸر كٷدٸكتٸ قاشىپ كەتكەن. ال قايتىس بولعان ادام بٸرنەشە كٷننەن بەرٸ ٸز-تٷزسٸز جوعالعاندار تٸزٸمٸندە بولعان. پوليتسييا دەپارتامەنتٸنٸڭ باسپاسٶز قىزمەتٸ ادامدى ۇرلاپ كەتٸپ, ٶلتٸرگەن ەكٸ كٷدٸكتٸنٸڭ ۇستالعانىن راستادى.
"ەكٸ كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى. ٷشٸنشٸ كٷدٸكتٸنٸ ۇستاۋ بويىنشا جەدەل ٸزدەستٸرۋ شارالارى جٷرگٸزٸلٸپ جاتىر. قازٸر تەرگەۋ امالدارى جٷرۋدە. تەرگەۋ مٷددەسٸ ٷشٸن باسقا مەلٸمەتتەر جارييالانبايدى", - دەپ حابارلادى ماڭعىستاۋ وبلىستىق ٸٸد باسپاسٶز قىزمەتٸ.
