QR Parlament Senatynyń depýtaty Aqylbek Kúrishbaev búgingi Prezident Joldaýyna qatysty pikir bildirdi, de,p habarlaidy "Ult aqparat" Senattyń baspasóz qyzmetine silteme jasap.
Onyń sózine sensek, Joldaýda Memleket basshysy aýyl sharýashylyǵy salasy týraly kóp nárse aitqan.
«Shynynda, maǵan unaǵan jeri - kooperativ qurý, qosalqy sharýashylyqty damytý máselesi boldy. Qosalqy sharýashylyqty eldi mekenniń jaǵdaiynda bizde maldyń 70 paiyzy sonda tur. Biraq ókinishke qarai, bizde 188 million gektar jaiylym jeri bar. Sol maldy qamtamasyz ete alatyn. Eger sol maldy jinap, kooperatsiia quryp, jaiylymdar men shabyndyq jerlerdi beretin bolsa, bizde maldyń, ettiń, súttiń kólemi 30 paiyzǵa ósedi» deidi depýtat.
Senatordyń aitýynsha, bul - memlekettiń biologiialyq aktivi, biz ony qorǵaýymyz kerek.
«Eger bul másele sheshimin tapsa, onda aýyldyń ekologiialyq máselesi sheshiledi. Bul - aýyldaǵy ekonomikalyq damýdyń birinshi qarqyny deýge bolady. Sondyqtan biz osy máseleni qolǵa alýymyz kerek» deidi Aqylbek Kúrishbaev.
