© RIA Novosti / Pavel Lisitsyn
Astana qalasy Bilim basqaramasy basshysy Qasymhan Senǵazyev bastaýysh synyp oqýshylaryna beriletin taǵamdardyń sapasy qalai tekseriletinin aityp berdi, dep habarlaidy BAQ.KZ portaly.
"Ystyq tamaq berý boiynsha birneshe shara qabyldadyq. Eń aldymen barlyq mektepte biryńǵai tórt aptalyq mázirdi qaita daiyndadyq. Ekinshiden, sol mázirdegi tamaqtardy daiyndaýdyń tehnologiialyq kartasyn biryńǵai etip jasadyq", - dedi Qasymhan Senǵazyev.
Onyń sózinshe, tehnologiialyq kartada tamaqtyń ingredientteri de birdei bolady.
"Buryn ár mektepte tamaqtyń qospalary ártúrli bolatyn. Endi ony birizdilendirdik. Qalada brakeraj komissiiasy quryldy. Bul komissiia qyrkúiektiń sońynan bastap qala mektepterinde monitoring júrgizedi. Oǵan qosa, ár mektepte qamqorshylyq keńesinen, ata-analar komitetinen jáne qoǵam ókilderinen turatyn brakeraj komissiiasy qyrkúiektiń 4-de jumysyn bastady", - dep túsindirdi Bilim basqarmasy basshysy.
Senǵazyevtiń aitýynsha, osy komissiialar týyndaǵan suraqtar boiynsha tekserý jumystaryn júrgizedi.
