Birinshi basshylardy ózderine tikelei baǵynyshty adamdarynyń sybailas jemqorlyq qylmysyn jasaǵany úshin derbes tártiptik jaýapkershilikke tartylýyna qatysty zańǵa qol qoiyldy, – dep habarlaidy «Ult aqparat».
Zań jobasy memlekettik qyzmetshilerdiń áleýmettik qorǵalýyn arttyrýǵa, konkýrstyq rásimderdi jetildirýge, memlekettik qyzmetshilerdiń jeke jaýapkershiligin joǵarylatýǵa, kadr tapshylyǵyn azaitýǵa yqpal etetin bolady.
«Memleket basshysy «Qazaqstan respýblikasynyń keibir zańnamalyq aktilerine memlekettik qyzmet jáne sybailas jemqorlyqqa qarsy is-qimyl máseleleri boiynsha ózgerister men tolyqtyrýlar engizý týraly» zańǵa qol qoidy» dep jazylǵan Aqorda saitynda.
Eske sala ketsek, mamyrda Qasym-Jomart Toqaevtyń tóraǵalyǵymen jemqorlyqqa qarsy is-qimyl máseleleri jóninde jiyn ótken bolatyn. Memleket basshysy biliktiń jemqorlyqqa qarsy is-qimyl josparynyń jeti negizgi sharasyn atap ótti.
Prezident qol astyndaǵy qyzmetkerlerdiń jemqorlyqqa qatysy bolsa, ortalyqta da, óńirlerde de birinshi basshylar tikelei jaýap beretinin aitty. Ol keshendi aldyn alý sharalaryn qolǵa alýdy tapsyrǵan bolatyn.
Qasym-Jomart Toqaev jemqorlyqtyń tamyryna balta shappasa, ulttyq qaýipsizdik pen memlekettiń bolashaǵyna nuqsan keltiretinin aityp, bul dertpen bir jeńnen qol, bir jaǵadan bas shyǵaryp kúresýge shaqyrdy.
