QR Indýstriia jáne infraqurylymdyq damý ministrligi barlyq qazaqstandyqtardy baspanamen qamtýǵa qajetti qarajattyń somasyn jariialady, dep xabarlaidy QazAqparat tilshisi.
Vitse-ministr Qaiyrbek Óskenbaevtyń aitýynsha, búginde respýblika boiynsha 487 myń adam páter kezeginde tur. Al olardyń barlyǵyn baspanamen qamtamasyz etý úshin biraz qarajat qajet.
«487 myń adamnyń máselesi birjola shesheiik desek, ol úshin eń quryǵanda bir turǵyn úidi 110 million teńgeden sanasaq, dál qazir 4 trillion 887 milliard teńge kerek bolyp tur. Onyń ústine infraqurylymyn 20 paiyzdan salaiyq. Sonda kezekti turǵan azamattardyń baspana máselesin birden sheshý úshin respýblikalyq nemese jergilikti biýdjetten 6 trillion teńgedei aqshany qazir qolma-qol jumsaý qajet. Másele osynda. Bizge dál qazir 6 trillion teńgeni berse, qazir-aq baspana máselesin sheshýge daiynbyz», - dedi Q.Óskenbaev memlekettik qyzmettiń jańa formatyn qalyptastyrýǵa arnalǵan paneldik sessiiada.
Aita keteiik, Astanada «Nur Otan» partiiasynyń kezekti sezi qarsańynda san alýan taqyryptarǵa arnalǵan paneldik sessiialar ótip jatyr.
Máselen, QR Prezidenti janyndaǵy Memlekettik basqarý akademiiasynda memlekettik apparattyń jańa formatyn qalyptastyrý jáne memlekettik qyzmetterdi avtomatizatsiialaý máseleleri talqylandy. Bul - partiianyń 2030 jylǵa deiingi jańa baǵdarlamasynyń bir baǵyty. Atalǵan qujat erteń, 27 aqpanda Memleket basshysynyń tóraǵalyǵymen ótetin «Nur Otan» pantiiasynyń XVIII sezinde tanystyrylady.
