Ortalyq kommýnikatsiialar qyzmetinde ótken brifingide QR Indýstriia jáne infraqurylymdyq damý vitse-ministri Marat Qarabaev baspana baspana baǵasynyń ósimin tejeý úshin ne istep jatqandaryn aitty, dep habarlaidy QazAqparat.
«Byltyr elimizde 15,5 mln sharshy metr baspana salynsa, biyl 17,5 sharshy metr salynyp jatyr. Bul jerde memleket halyqty qoljetimdi baspanamen qamtamasyz etý úshin bárin jasap jatyr deýge bolady. Qurylys kólemi 2,5 mln sharshy metrge artqandyqtan, qurylys materialyna degen suranys artty. Osynyń saldaryna baǵa ósip jatyr», - degen ministrlik ókili jyl basynan beri tsement pen armatýra baǵasyn túsirý úshin qabyldanǵan sharalarǵa toqtaldy.
«Qazaqstanda tsement shyǵaratyn 15 kásiporyn bar. Olardyń qýaty 16 mln tonna. Byltyr 9 mln tonna shyǵardyq. Úshinshi elderden keletin tsement importyna tyiym saldyq. Biraq baǵa ósken kezde eń áýeli 15 kásiporyndy shaqyryp, kelissóz jasadyq. Sonda kóptegen zaýyttardyń baǵany ózgertpegenin aitty. Al naryqta tsement baǵasy 21 myń teńgeden 36 myńǵa deiin ósken. Iaǵni ortadaǵy satýshylar baǵany kótergen», - dedi Marat Qarabaev.
Onyń aitýynsha, eki ortada baǵany ósirgen satýshylardy Básekelestik qorǵaý jáne damytý agenttiginiń mamandary sabasyna túsirgen eken. Al armatýra baǵasyn túsirý úshin ony avtokólikpen elden syrtqa áketýge tyiym salynypty.
«Armatýra baǵasy álem naryǵynda eki ese qymbattady. Óitkeni London birjasynda bolattyń baǵasy 2 ese ósken. Eldegi armatýra shyǵaratyn kásiporyndar 1,9 mln tonna armatýra shyǵarady. Byltyr ishki naryqta 1,2 mln tonna armatýra qajet boldy. Biraq óndiris kólemi 755 myń tonnany ǵana qurady. Sonyń ózimizge 550 myń tonnasy qaldy. Qalǵany Resei, Ózbekstan, Tájikstan, Qyrǵyzstan siiaqty eldere eksporttaldy. Armatýra baǵasyn retteý úshin qara metal synyǵyn avtomobilmen shyǵarýǵa tolyq tyiym salyndy. Sonyń arqasynda armatýranyń bir tonnasy 400 myń teńgeden, qaita 340 myń teńgege deiin túsirildi», - dedi vitse-ministr.
