ورتالىق كوممۋنيكاتسييالار قىزمەتٸندە ٶتكەن بريفينگٸدە قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ مارات قاراباەۆ باسپانا باسپانا باعاسىنىڭ ٶسٸمٸن تەجەۋ ٷشٸن نە ٸستەپ جاتقاندارىن ايتتى, دەپ حابارلايدى قازاقپارات.
«بىلتىر ەلٸمٸزدە 15,5 ملن شارشى مەتر باسپانا سالىنسا, بيىل 17,5 شارشى مەتر سالىنىپ جاتىر. بۇل جەردە مەملەكەت حالىقتى قولجەتٸمدٸ باسپانامەن قامتاماسىز ەتۋ ٷشٸن بەرٸن جاساپ جاتىر دەۋگە بولادى. قۇرىلىس كٶلەمٸ 2,5 ملن شارشى مەترگە ارتقاندىقتان, قۇرىلىس ماتەريالىنا دەگەن سۇرانىس ارتتى. وسىنىڭ سالدارىنا باعا ٶسٸپ جاتىر», - دەگەن مينيسترلٸك ٶكٸلٸ جىل باسىنان بەرٸ تسەمەنت پەن ارماتۋرا باعاسىن تٷسٸرۋ ٷشٸن قابىلدانعان شارالارعا توقتالدى.
«قازاقستاندا تسەمەنت شىعاراتىن 15 كەسٸپورىن بار. ولاردىڭ قۋاتى 16 ملن توننا. بىلتىر 9 ملن توننا شىعاردىق. ٷشٸنشٸ ەلدەردەن كەلەتٸن تسەمەنت يمپورتىنا تىيىم سالدىق. بٸراق باعا ٶسكەن كەزدە ەڭ ەۋەلٸ 15 كەسٸپورىندى شاقىرىپ, كەلٸسسٶز جاسادىق. سوندا كٶپتەگەن زاۋىتتاردىڭ باعانى ٶزگەرتپەگەنٸن ايتتى. ال نارىقتا تسەمەنت باعاسى 21 مىڭ تەڭگەدەن 36 مىڭعا دەيٸن ٶسكەن. ياعني ورتاداعى ساتۋشىلار باعانى كٶتەرگەن», - دەدٸ مارات قاراباەۆ.
ونىڭ ايتۋىنشا, ەكٸ ورتادا باعانى ٶسٸرگەن ساتۋشىلاردى بەسەكەلەستٸك قورعاۋ جەنە دامىتۋ اگەنتتٸگٸنٸڭ ماماندارى ساباسىنا تٷسٸرگەن ەكەن. ال ارماتۋرا باعاسىن تٷسٸرۋ ٷشٸن ونى اۆتوكٶلٸكپەن ەلدەن سىرتقا ەكەتۋگە تىيىم سالىنىپتى.
«ارماتۋرا باعاسى ەلەم نارىعىندا ەكٸ ەسە قىمباتتادى. ٶيتكەنٸ لوندون بيرجاسىندا بولاتتىڭ باعاسى 2 ەسە ٶسكەن. ەلدەگٸ ارماتۋرا شىعاراتىن كەسٸپورىندار 1,9 ملن توننا ارماتۋرا شىعارادى. بىلتىر ٸشكٸ نارىقتا 1,2 ملن توننا ارماتۋرا قاجەت بولدى. بٸراق ٶندٸرٸس كٶلەمٸ 755 مىڭ توننانى عانا قۇرادى. سونىڭ ٶزٸمٸزگە 550 مىڭ تونناسى قالدى. قالعانى رەسەي, ٶزبەكستان, تەجٸكستان, قىرعىزستان سيياقتى ەلدەرە ەكسپورتتالدى. ارماتۋرا باعاسىن رەتتەۋ ٷشٸن قارا مەتال سىنىعىن اۆتوموبيلمەن شىعارۋعا تولىق تىيىم سالىندى. سونىڭ ارقاسىندا ارماتۋرانىڭ بٸر تونناسى 400 مىڭ تەڭگەدەن, قايتا 340 مىڭ تەڭگەگە دەيٸن تٷسٸرٸلدٸ», - دەدٸ ۆيتسە-مينيستر.
