Qazaqstannyń basketboldan áielder komandasy Iordaniia astanasynda ótip jatqan «B» divizionynyń komandalary arasynda 2021 jylǵy Aziia kýbogynyń shirek finalynda Siriiadan kelgen komandany jeńdi, dep habarlaidy QazAqparat.
7-13 qarasha aralyǵynda Ammanda «Prince Hamza Arena» stadionynda áielder komandalary arasynda basketboldan Aziia kýbogynyń birinshi divizionyna joldama beretin oiyn ótip jatyr, oǵan Qazaqstannyń ulttyq quramasy qatysady.
Jerebe boiynsha, Qazaqstan quramasy «B» tobyna túsip, onda bizdiń komanda Indoneziia men týrnir iesi – Iordaniia quramasynan utyldy.
«A» tobynda Livan, Iran jáne Siriia komandalary arasynda tartys bastaldy.
Siriia quramasyn jeńgennen keiin Qazaqstan quramasy Aziia kýbogynyń «B» divizionynyń jartylai finalyna shyqty.
Endi birinshi divizionǵa joldama úshin tartysty jalǵastyrady.
12 qarashada jartylai final oiyndary ótedi, bizdiń basketbolshylar Iordaniia quramasymen qaita oinaidy, match elorda ýaqytymen 23:00-de bastalady.
Áielder arasyndaǵy basketboldan Aziia kýbogy – 1965 jyldan bastap eki jylda bir ret FIBA Aziia qoldaýymen ótkiziletin Aziiadaǵy áielder ulttyq quramalary arasyndaǵy basketboldan eń bedeldi halyqaralyq týrnir.
