Foto: t.me/kazakhmys_news
Óndiristik úderisterdiń qazirgi jaǵdaiy týraly keshendi túsinik qalyptastyrýdy maqsat tutqan jumys saparynda jumysshylardyń eńbek jaǵdaiynan bastap, ken óndirý men baiytýda qoldanylatyn tehnologiialyq sheshimderge deiingi máseleler nazarǵa alyndy. Sondai-aq ónerkásiptik qaýipsizdik deńgeii jáne jabdyqtardyń turaqty jumys isteýi baǵalandy.
Basqarma tóraǵasy kenishtiń personalǵa arnalǵan infraqurylymymen, eńbek jaǵdaiymen tanysty jáne jerasty jumystaryna kýá boldy.
Kompaniia basshysy jerasty jumystarynyń qaýipsizdigi men tiimdiligine tikelei áser etetin jóndeý ýchaskesine, taý-ken tehnikasynyń jumysyna, sondai-aq burǵylaý jáne qazý tehnologiialaryna erekshe nazar aýdardy.
Foto: t.me/kazakhmys_news
Baiytý fabrikasynda ken óńdeýdiń tolyq tehnologiialyq tizbegi qarastyrylyp, jumys barysyndaǵy aýytqýlardy jedel anyqtaýǵa jáne tehnologiialyq táýekelderdi tómendetýge múmkindik beretin óndiristik úderisti basqarý men monitoringteý júiesine kóńil bólindi. Mundai tásil óndiristiń turaqtylyǵyn qamtamasyz etip, adami faktordyń yqpalyn azaitady.
Jumyskerlermen áńgimelesý barysynda eńbekti qorǵaý jáne ónerkásiptik qaýipsizdik talaptaryn qatań saqtaý, sondai-aq kenish pen fabrika jabdyqtarynyń tehnikalyq, fizikalyq jáne moraldyq jai-kúiin saqtaý máselesi talqylandy.
Foto: t.me/kazakhmys_news
