Bashqurtstan Respýblikasy Neftekamsk qalalyq ákimshiliginiń ǵimaratynda terroristik akt josparlanǵan. Jergilikti turǵyn qoldan jasalǵan qurylǵymen ákimdikke ot qoimaq bolǵan. "Ult aqparat" bul týraly Bashinform aqparat agenttigine silteme jasap habarlaidy.
«Ol bul áreketti memlekettik bilik organdarynyń qyzmetin turaqsyzdandyrý jáne konstitýtsiialyq júiege qarsy narazylyq týdyrý maqsatynda josparlaǵan. Buǵan internette de belsendi túrde shaqyrǵan», — dedi respýblikanyń Federaldyq qaýipsizdik qyzmeti basqarmasynyń baspasóz qyzmetinen.
Qaskói terrorlyq áreketke daiyndyq barysynda ustaldy.
«Terroristik akt» jáne «Terroristik áreketti júzege asyrýǵa jariia túrde shaqyrý, terrorizmdi jariia túrde aqtaý nemese terrorizmdi nasihattaý» baptary boiynsha qylmystyq is qozǵaldy. Qaýipsizdik kúshteri kúdiktiniń kompiýterin, órt tutanatyn qospalardy daiyndaý ádisi kórsetilgen videolary bar uialy telefondardy tárkiledi.
