Foto: Siriia Arab Respýblikasy prezidentiniń Telegram arnasy
Siriianyń burynǵy prezidenti Bashar Asadtyń áieli Asma Asad ajyrasý týraly ótinish berdi. Ol Londonǵa, óziniń týǵan qalasyna qaitýdy josparlap otyr, dep habarlaidy Stan.kz jpost.com portalyna silteme jasap.
The Jerusalim Post basylymynyń deregine sensek, Asma Asad Ulybritaniianyń azamaty. Alaida Asma Asad birneshe eýropalyq memleketter men halyqaralyq uiymdardyń sanktsiialaryna ushyrady. Oǵan saiahat jasaýǵa tyiym salynyp, aktivteri buǵattalǵan bolýy múmkin. Bul ózgerister Asma Asadqa quqyqtyq jáne logistikalyq jaǵynan qiyndyqtar týǵyzýy yqtimal.
Ony Bashar Asadtyń biligi kezindegi sybailas jemqorlyqqa aiyptap jatyr. Ulybritaniianyń Eýropalyq Odaqtan shyǵýyna qaramastan, London bul sanktsiialardy áli de saqtap otyr.
Qazir Asma Asad Máskeýde. Túrik telearnasynyń dereginshe, ol Resei biliginen elden shyǵýǵa ruqsat suraǵan. Biraq ótinish áli qarastyrylyp jatyr.
Aita keteiik, Asma Asad 1975 jyly Ulybritaniiada dúniege kelgen, kardiolog Favvaz Ahrastyń qyzy. Ol Siriiaǵa 2000 jyly turmysqa shyqqan kezde oralǵan. Asma Asad alǵashynda Siriiada áleýmettik máseleler men bilim berý salasynda belsendi bolǵan. Ol únemi eldegi reformalardy qoldaýshy retinde tanyldy. Asma men Bashardyń úsh balasy bar: Hafez, Zein jáne Karim.
Eske salaiyq, buǵan deiin "Haiiat Tahrir ash-Sham" sodyrlar toby Siriia prezidenti Bashar Asadtyń elden ketkenin jáne Damask astanasyn basyp alǵanyn málimdedi. Damasktegi kóterilisshiler memlekettik telearna efirinde jeńiske jetkenderin jariialady. Siriialyq sodyrlar memlekettik telearna men Damask radiosy arqyly efirge shyǵyp, prezident Bashar Asad rejimin qulatqandaryn jáne saiasi tutqyndardy bosatqanyn habarlady.
.jpg)